Decisións

Dende pequenos ata hoxe as cousas foron cambiando pouco a pouco para nós. Cada día que pasaba iamos medrando e facéndonos maiores e isto traía novas responsabilidades e decisións, tivemos que ir elixindo a rama que máis nos gustaba con cada paso que dabamos.

En 3º de ESO eliximos a nosa primeira materia optativa e xa pasaron algúns anos e distintos profesores dende aquela. Tamén os nosos pais nos foron aconsellando cara onde continuar e por iso estamos hoxe aquí, a un paso da universidade. Agora teremos que tomar a máis difícil decisión acerca do noso futuro laboral. É o momento de elixir o que queremos ser o día de mañá, é hora de elixir que camiño tomar.

Continuamente veñen a darnos charlas ó instituto, intentando aclararnos ideas, é difícil elexir entre tantas opcións xa que non só temos que ver que é o que máis nos gusta, tamén temos que tomar unha decisión que nos leve a algo o día de mañá. É indiscutible que hoxe en día é moito máis fácil descubrir e coñecer máis a fondo cada carreira gracias a internet. Tamén nos axudará a tomar a decisión correcta e teremos unha idea máis clara de como será a carreira que queremos. Indagando por internet atopamos varias webs de utilidade que poderedes atopar na sección enlaces, e que esperamos que tamén vos axuden a vós a decidir que é o que queredes, xa que pensamos que o problema das decisións é a maior preocupación de todos os estudiantes en xeral, todos temos medo, ninguén sabe que nos imos encontrar no futuro, e os xa veteranos só nos dan a súa opinión. Temos medo a que non nos guste o que alí encontremos e temos medo a non conseguir saír adiante.

Persoalmente pensamos que eses medos temos que deixalos a un lado e lanzarnos, confiar en nós mesmos porque niso se basea o estudio, se nolo propomos podemos e será o que fagamos.

As decisións son duras, quizais a carreira sexa difícil pero do que estamos seguros é de que será unha experiencia agradable.