 |
|
|
Os concursos de deseño gráfico, a punto
No Servicio de Normalización Lingüística recibíronse un total de 49 propostas de logotipo para as comisións de normalización lingüistica dos centros ata o pasado 25 de abril. O concurso para dotar de deseño gráfico e lema a publicidade da CNL de Bioloxía aínda ten o prazo aberto ata o 5 de maio.
Ciencias da Educación e a lingua galega (I)
No pasado curso 2001-2002 a Comisión de Normalización Lingüística da Facultade de Ciencias da Educación elaborou un pequeno informe sobre comportamentos e ideas lingüísticas do seu profesorado. Velaquí unha síntese dos datos máis salientables.
Ciencias da Educación e a lingua galega (II)
E velaquí unha síntese dos datos máis salientables en canto a usos lingüísticos e actitudes do persoal docente de Ciencias da Educación. O estudio revela un panorama moi favorable para a lingua galega, tanto a existente na actualidade, como no que se refire a perspectivas de futuro.
EuroCom: Aprender as linguas europeas simultaneamente
Un dos proxectos didácticos máis interesantes que se están desenvolvendo en Europa no ámbito das linguas é EuroCom, que nace coa finalidade de facilitar o mantemento e a igualdade dos idiomas europeos promovendo un plurilingüismo masivo dos cidadáns. O galego debería apañar este tren.
É natural: a bioloxía tamén fala galego
Tal é o lema gañador do concurso promovido dende a Comisión de Normalización Lingüistica da Facultade de Bioloxía. Neste lema, apoiado nunha atractiva e simbólica imaxe gráfica, tamén obxecto do concurso, se sustentará a campaña para difundir a existencia e as funcións da devandita Comisión.
Exposición dos deseños gráficos a prol da lingua
O 10 de xuño inaugúrase, no Claustro da Facultade de Xeografía e Historia, a exposición que reúne os máis de 50 deseños gráficos presentados ó concurso para dotar dun logotipo ás comisións de normalización lingüística.
A lingua galega nos novos Estatutos (I)
O pasado 21 de maio culminou o proceso de elaboración dos novos Estatutos da USC, coa súa aprobación por parte do Claustro Universitario. Os novos Estatutos presentan, a respecto dos anteriores, algúns aspectos ben salientables en relación co estatus da lingua.
A lingua galega nos novos Estatutos (II)
Tres emendas das presentadas ós Estatutos enmárcanse nos procesos de fixación dos cadros de persoal e de selección, tanto do PDI como do PAS. Alén disto, por vez primeira os Estatutos recollen explicitamente entre os servicios da USC o Servicio de Normalización Lingüistica.
Nace USC-LEXITERM, a rolda terminolóxica da USC
O Servicio de Normalización Lingüistica acaba de bota a andar, con grande éxito, USC-LEXITERM. Trátase dunha rolda de difusión do léxico científico en galego, para facilitar o labor de todos os que dentro da USC desenvolvemos nesta lingua a nosa actividade.
Previsións de uso do galego na docencia no curso 03-04
O Plan de Ordenación Docente (POD) para o curso que vén incorporou, por vez primeira, un apartado para a previsión do idioma en que se pretende impartir docencia. Tal novidade responde ás esixencias de transparencia na información que require a implantación na USC do Sistema de Créditos Europeos.
Remataron os cursos do SNL para os alumnos e as alumnas da USC
Como é habitual a estas alturas, os cursos de galego para non galegofalantes, que se desenvolven durante o curso académico, viron xa o seu final. De novo persoas procedentes de diversas nacionalidades e falantes de variados idiomas, teñen xa unha competencia mínima para entender e falar en galego.
Novas tecnoloxías, innovación educativa e galego
A CNL de Psicoloxía anda cos preparativos dun curso baseado no achegamento multidisciplinar ás TIC no noso idioma, que desenvolva asemade o Plan de Normalización Lingüística e os plans de implantación das TIC para a docencia na USC. Velaquí unha entrevista con Concha Losada, da CNL de Psicoloxía.
Onde as normativas non conseguen resultados, cómpre sensibilizar e incentivar. O uso do galego na docencia da USC avanza con timidez e con enormes esforzos, sobranceiramente grazas ao convencemento individual que moi pouco e pouco se vai contaxiando entre o noso profesorado.
A argumentos e incentivos cómprelles globalidade, completitude e firmeza, apoiárense en todos os esteos, novos e vellos, que alicerzan a nosa universidade cara ao futuro. Onda non, iremos coma tartarugas e malbaratando esforzos.
