 |
|
Ruxe Ruxe
A USC expedirá o Suplemento Europeo ao Título en varios idiomas (Xornal da USC, 13/02/06)
O SET facilita información sobre os coñecementos e as capacidades adquiridas polos estudantes para facilitar a mobilidade e o emprego dos titulados. O SET será elaborado en español, galego e inglés.
Un informe interno da Eurocámara desaconsella admitir o galego (La Voz de Galicia, 31/01/06)
O Parlamento Europeo dubida de que admitir o galego, o catalán e o vasco como linguas de traballo da Eurocámara, como pretende o Goberno español, sexa unha medida oportuna e acertada, xa que considera que sería un perigoso precedente.
O Atlas da entoación galega xa está en marcha (Vieiros: galego.org, 01/02/06)
Un equipo de investigadores das universidades de Santiago botaron a andar o Atlas da Entoación Galega, co que se pretende trazar un mapa das melodías que usamos os galegos para falar. A súa aplicación máis directa será nas ferramentas de recoñecemento e síntese de voz.
O galego en inferioridade de condicións na función pública (A Nosa Terra, 08/02/06)
Os cambios introducidos a última hora no proceso de selección de persoal nos grupos E, D e A nos corpos xerais da Administración autonómica discriminan o galego e forzan os opositores a empregaren o castelán.
Máis de 300 mil galegos non usan nunca o galego (Galicia Hoxe, 20/02/06)
O director xeral de Xuventude e Solidariedade lembrou os datos do Censo de Poboación e Vivenda para advertir da grave situación do galego e para anunciar a posta en marcha dunha batería de medidas para potenciar o uso do galego entre a mocidade.
Plan operativo de política lingüística para 2006 (Vieiros: galego.org, 24/02/06)
A secretaria xeral de Política Lingüística explicou no Parlamento que en 2006 se creará a Comisión Interdepartamental da Xunta, o Consello Social da Lingua Galega e o Consorcio para a promoción da lingua en concellos e deputacións.
|
