 |
|
Ruxe Ruxe
Industria esixe software libre en galego aos seus provedores (Vieiros, 10/10/07)
A Consellería de Industria esixe aos subministradores ordenadores con software libre en galego: OpenOffice (programas de oficina), Firefox (navegador de Internet), Thunderbird (xestión de correo electrónico) e Gimp (editor de imaxes).
O galego só é a lingua inicial de dous de cada dez nenos (Vieiros, 11/10/07)
Segundo o Seminario de Sociolingüística da Real Academia Galega só un 20,6% dos nenos teñen como idioma inicial o do país. En 1992, era o 60,3%. Nas cidades é especialmente grave o que está a ocorrer.
Ata 3.000 euros a centros concertados para potenciar o galego (La Voz de Galicia, 15/10/07)
Educación convocou axudas de ata 3.000 euros para centros privados concertados que potencien o ensino en galego no segundo ciclo de educación infantil, para garantir os dereitos lingüísticos do alumnado cuxas familias opten polo ensino na lingua propia.
Os nacementos e as vodas xa se poden inscribir en galego (Galicia Hoxe, 22/10/07)
Calquera inscrición ou anotación sobre o estado civil poderase facer en galego coa nova aplicación Inforeg 4. O Rexistro Civil da Coruña será o primeiro de Galicia, e logo seguiranlle os de Vigo, Pontevedra, Lugo, Ourense, Santiago e Ferrol.
Cando fodas non esquezas a lingua (Vieiros, 19/10/07)
O colectivo compostelán Gentalha do Pichel distribúe preservativos con palabras galegas relacionadas co sexo.
Política Lingüística impulsa o galego nas notarías (Xunta, 23/10/07)
Política Lingüística pon en marcha accións específicas para facilitar o traballo en galego dos notarios galegos, como o primeiro Curso de Lingua Galega para Notarios.
|
