 |
Breviarios, O saber de peto
|
Axenda
Táboa redonda sobre o Plan Xeral de Normalización Lingüística
Os CAF de Filoloxía organizan no Salón de Graos deste centro, ás 19 h, unha táboa redonda sobre o Plan Xeral de Normalización Lingüistica, con Pilar García Negro, Henrique Monteagudo, Socorro García Conde e un representante de Política Lingüística.
.Táboa redonda: a Declaración Universal dos Dereitos Lingüísticos
Os CAF de Filoloxía organizan na Aula 1 desta facultade, ás 20 h, unha táboa redonda sobre a Declaración Universal dos Dereitos Lingüísticos. Interveñen: Pilar García Negro, Teresa Moure e Alba Nogueira.
Iniciación e perfeccionamento no Concello de Santiago
O Departamento de Lingua do Concello de Santiago organiza dous cursos de iniciación e dous de perfeccionamento, de abril a xuño. O prazo de matrícula remata o 9 de abril. A inscrición efectúase no Rexistro Xeral do Concello.
Concurso: logotipo para as cnl
A USC convoca un concurso de deseño gráfico para dotar dun logotipo común ás comisións de normalización lingüística. O concurso ten un premio de 800 euros. O prazo de presentación de propostas remata o 25 de abril.
http://www.usc.es/snlus/concursos.html.Concurso en Bioloxía: deseño gráfico + lema
A Facultade de Bioloxía, a través da súa CNL, convoca un concurso de deseño gráfico baixo lema para dotar de imaxe gráfica unha campaña publicitaria sobre a dita comisión. O premio ten unha dotación de 500 euros en libros.
|
Biblos Club http://www.biblosclube.com levará os libros galegos ós nosos fogares. Funciona como un club de socios, que recibirán información bimensual sobre as novidades editoriais galegas e portuguesas, co compromiso dunha cota anual e da merca dun libro cada dous meses.
Unha mágoa: o único xornal que había en eusquera, Euskaldunon Egunkaria, foi pechado por mandado xudicial o pasado febreiro. Mais a activa sociedade vasca xa foi quen de dotarse cun novo medio de comunicación propio: Egunero.
|