Avelino Corma, membro da Comisión Científica Externa do CIQUS, premio Príncipe de Asturias de Investigación 2014
O xurado do Premio Príncipe de Asturias de Investigación Científica e Técnica anunciou a concesión do galardón na súa edición de 2014 ao Prof. Avelino Corma, do Instituto de Tecnoloxía Química (CSIC-UPV), conxuntamente cos investigadores estadounidenses Mark E. Davis e Galen D. Stucky "polas súas contribucións ao desenvolvemento dos materiais microporosos e mesoporosos e as súas aplicacións".
O CIQUS congratúlase da concesión deste prestixioso galardón ao Prof. Corma, membro da Comisión Científica Externa do centro, cuxas contribucións foron especialmente relevantes nas fases de definición do modelo de funcionamento do centro e de selección dos investigadores adscritos.