Descrición xeral:
O Centro Singular de Investigación en Química Biolóxica e Materiais Moleculares (CiQUS) ofrece un contrato de investigador asociado para o apoio técnico especializado, no eido da Microscopía Electrónica de Transmisión (TEM), ao desenvolvemento de diversas liñas de investigación en nanomateriais inorgánicos e de carbono, macromoléculas e nanoestruturas orgánicas ou nanosistemas biolóxicos.
Responsabilidades:
- Caracterización de materiais nanoestruturados e doutros tipos de mostras (macromoléculas e nanoestruturas orgánicas, mostras biolóxicas, etc.) mediante técnicas TEM/STEM de alta resolución. Preparación de mostras para o seu estudo por microscopia electrónica de alta resolución e crío- TEM.
- Emprego de técnicas de difracción de electróns, microanálise para a análise de nanoestruturas, reconstrución 3D por tomografía (análise de imaxes) e uso de equipamento in situ para a análise en tempo real.
- Asesoramento científico-técnico na preparación de mostras, no deseño de todo tipo de experimentos que requiran microscopia de transmisión e na recollida e interpretación de resultados derivados dos mesmos.
- Tarefas de xestión, mantemento e formación básica de usuarios.
Requisitos:
- Doutoramento en Química, Física ou Ciencia de Materiais
- Experiencia investigadora en microscopia electrónica de transmisión TEM/STEM e/ou dominio de técnicas de caracterización de nanomateriales (EDS, EELS, tomografía, crío- TEM, etc).
- Experiencia en postos de responsabilidade en instalacións de microscopia electrónica de alta resolución: mantemento e optimización de equipos, apoio técnico a investigadores, etc.
Condicións:
Contrato a tempo completo por un período de dous anos.
Solicitudes:
Os candidatos interesados en participar neste proceso selectivo deberán presentar a súa solicitude no prazo de 10 días naturais a partir do día seguinte á publicación da convocatoria oficial. A presentación de solicitudes realizarase unicamente por medios electrónicos, a través dos formularios normalizados dispoñibles na sede electrónica da Universidade de Santiago de Compostela (https://sede.usc.es/formularios/solicitudes/contratacion.htm).
Data Límite: 22 de xuño de 2018
Tódolos detalles sobre a praza e o procedemento para concorrer a este proceso poden consultarse no documento íntegro dispoñible na web da Oficina de Investigación e Tecnoloxía (OIT) da Universidade de Santiago.