15/10/2012
O Grupo Especializado de Química de Produtos Naturais (GEPRONAT) da Real Sociedad Española de Química acaba de conceder ao Prof. Luis Castedo o premio á excelencia en investigación, na convocatoria do ano 2012. O premio recoñece a traxectoria do Prof. Castedo e a súa extraordinaria contribución ao desenvolvemento da química de produtos naturais, particularmente no illamento, determinación estrutural e síntese de alcaloides, área de investigación na que o grupo do Prof. Castedo destacou durante décadas e na que se teñen formado moitos dos seus discípulos e colaboradores.
Ver noticia no Xornal da USC