25/11/2011
As xornadas "Achégate á Química!" clausuraronse hoxe 25 de novembro cun acto presidido polo Reitor da USC e no que participaron o Conselleiro de Educación e Ordenación Universitaria, D. Jesús Vázquez Abad, o Vicerreitor de Investigación e Innovación, o Decano da Facultade de Química e a Directora do CIQUS. Ao longo de tres días pasaron polo CIQUS seiscentos estudantes de ensino secundario de Santiago e comarca e, nas xornadas de tarde, medio milleiro de asistentes de todas as idades e procedencias. Os asistentes amosaron o seu interese pola actividade do centro, polas súas instalacións e, en particular, polos experimentos e exhibicións que abrían a visita, organizada co gallo do Ano Internacional da Química.