Dezaseis investigadores predoutorais e posdoutorais do CiQUS participaron esta semana no curso “Beyond the Bench: Career Development for Scientists”. A través desta actividade formativa, o Centro pretende apoiar aos seus investigadores antes do momento decisivo de afrontar a definición do seu futuro profesional.
Ao longo dos dous días de curso, impartido polos doutores Gavin Lucas e Tobias Maier (ThePaperMill), os participantes teñen a oportunidade de coñecer diferentes ferramentas e estratexias para mellorar o seu perfil competitivo no mercado laboral. Novas propostas que van dende o desenvolvemento dun marco intelectual para a toma de decisións á hora de definir a súa futura carreira profesional, así como axudas prácticas e simulacións relacionadas cos correspondentes procesos de solicitude e selección, tanto dentro como fóra do ámbito académico.
Para máis detalles: https://www.usc.es/ciqus/es/eventos/career-development-workshop