A Facultade de Química acolle unha semana máis a defensa dunha tese desenvolvida no CiQUS.
O investigador predoctoral Daniel González Fernández presentou hoxe na Aula Magna da Facultade de Química da Universidade de Santiago de Compostela (USC) a súa tese de doutoramento, un traballo dirixido pola profesora da USC Mercedes Torneiro e o investigador principal do CiQUS Massimo Lazzari, titulado «Síntese e propiedades de polímeros con grupos laterais tioacetato e de copolímeros de bloque con dendróns ríxidos».
No transcurso desta tese deseñáronse e preparáronse homopolímeros e copolímeros estatísticos e de bloque mediante polimerización radicalaria por transferencia de grupo, para o seu emprego na síntese de dispersións coloidales de nanopartículas de ouro.
Asemade, realizáronse copolímeros de bloque lineal-dendríticos mediante reaccións click de bloque lineais de polietilenglicol, con dendróns ríxidos baseados en tetrafenilmetano.