O profesor Matthew Gaunt, da Universidade de Cambridge, é un dos investigadores emerxentes máis destacados a nivel internacional no eido da química sintética. A súa investigación está fundamentalmente dirixida ao descubrimento de novos métodos catalíticos para a transformación de materiais orgánicos intrínsecamente inertes e de baixo custo en produtos de alto valor engadido. As súas conferencias inaugurarán o ciclo “Frontiers in Science” que, organizado pola Rede de Centros Singulares de Investigación, traerá ao Campus Vida as achegas de investigadores do máximo prestixio internacional
Hoxe luns 21 ás 17 h, o Prof. Gaunt impartirá a conferencia “New copper-catalyzed reactions” na aula de seminarios do CIQUS. A segunda das conferencias impartirase mañá martes 22, baixo o título “New directions in palladium-catalyzed C-H activation”.