O grupo de investigación de Química da Materia Condensada, dirigido por Francisco Rivadulla, IP do CIQUS e ERC Starting Grant Award, organiza a reunión científica "Current Topics in Condensed Matter Physics and Chemistry", que se celebrará en Santiago de Compostela os días 12 e 13 xullo de 2012.
Este primeiro Summer Meeting é un evento gratuito de dous días deseñado para reunir a estudantes, posgraduados e profesores, tanto de Santiago de Compostela como de outras cidades, nun ambiente relaxado para discutir sobre temas actuais de interés na física e química da materia condensada.
A reunión desenvolverase no Centro Singular de Investigación en Química Biolóxica e Materiais Moleculares (CIQUS) do "Campus Vida" na Universidade de Santiago de Compostela, entre o 12 e 13 de xullo. Xa que será un evento de día completo, facilitaranse os coffee breaks e hay estacionamento disponible no propio Campus.
Os temas a abordar serán os seguintes:
• Os óxidos de metais de transición e heteroestruturas de óxidos.
• Os electróns fortemente correlacionados e a superconductividade de alta temperatura.
• Os nanodispositivos, a nanoelectrónica e os materiais moleculares.
Entre os oradores invitados que confirmaron a sua participación no evento están:
• Luis Morellón, Instituto de Nanociencia de Aragón, Zaragoza
• Gervasi Herránz, Instituto de Ciencia de Materiales de Barcelona, CSIC
• Berta Gómez Lor, Instituto de Ciencia de Materiales de Madrid, CSIC
• Cristian Batista, Los Alamos National Lab, USA
• Carlos Martínez Boubeta, Facultad de Física, Universidad de Barcelona
• Joaquín Fernández-Rossier, International Iberian Nanotechnology Lab., Portugal
• Jesús Mosqueira, Dpto. Física da Materia Condensada, USC
• Paul Bach, CIQUS, USC
• Víctor Pardo, Dpto. Física Aplicada, USC
• Iván González, Centro de Supercomputación de Galicia
¡Rexístrate agora! É gratis.