Participantes no terceiro encontro anual do proxecto HeatNMof | image: HeatNMof
O CiQUS acolleu esta semana a terceira reunión anual do proxecto HeatNMof, o primeiro encontro deste tipo tras a pandemia. Ata 23 membros do consorcio reuníronse o pasado martes para discutir os resultados obtidos no proxecto e que foron presentados polos ESRs na Aula de Seminarios do centro. O encontro pechou cunha visita dos asistentes aos laboratorios do CiQUS.
HeatNMof é un proxecto europeo que involucra a socios académicos e industriais cun claro perfil interdisciplinar, e que está a formar á próxima xeración de científicos de materiais en nanomedicina para explotar a liberación activada por calor para a administración de fármacos antineoplásicos. A rede céntrase nun dos tipos máis prometedores de portadores: o materiais metal orgánicos estruturados (MOF, polas súas siglas en inglés).
No proxecto participan como investigadores supervisores os IPs do CiQUS Pablo del Pino e Beatriz Pelaz, así como o ITN-MSCA Fellow Manuel Ceballos, traballando no ámbito das nanopartículas plasmónicas.